Улсын Их Хурлын 2025 оны 62 дугаар тогтоолоор байгуулагдсан Оюутолгойн бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Улсын Их Хурлын хянан шалгах түр хороо өнөөдөр (2025.09.24) хуралдав. Хуралдаан гишүүдийн 54.5 хувийн ирцтэйгээр 11 цаг 40 минутад эхэлж, зургаан асуудал хэлэлцэхээр тогтлоо.